蛇王芬

放工同梁大少過中環律師行過層新樓既大訂，時間尚早，徒步去Soho電梯底下斜路，閣麟街地舖既老字號「蛇王芬」。

黎得呢度當然必食既係鮑魚燴五蛇羹($65細碗)。呢個差不多全港至貴既蛇羹，湯頭好甜而且好像無打生粉芡般稀，唔似出面既糊狀，真材實料。只係略嫌細碗同唔夠熱。

另一有名既係其自家製既膶腸，唔油但香口，送飯一流。我地都各自叫左雙拼飯($32)，一樣係的式細細碗。但個飯底唔掂，太軟唔夠乾身，唔能夠帶出臘味飯既香。

$50碟的醬炒A菜味道好濃，但一樣係好袖珍。老伙計既咀臉有點難頂，唯獨坐收銀櫃貌似太子女既，都叫做有番d笑容。

梁師奶極鍾意食蛇羹，所以打包兩碗拿過去將軍澳孝敬佢。