暖出水泡

早幾晚仍然勁凍，拿哈爾濱剩下的暖包黎用一用。

結果前日下午忽然背脊起左個好大既水泡兼弄穿埋，唯一既解釋應該係之前一晚壓住暖手包入睡，結果灼傷左。









水泡範圍足足腳趾公咁大，最好有膠布保護以免受細菌感染。竟然比我搵到有萬寧牌出既“水泡膠布”；索價唔平，3塊大5塊細減價都要$25。

貼左兩日，但奇就奇在貼後數小時，水泡位置就會呈白色gel狀拱起；據舖內藥劑師講，係膠布吸收傷口的水所至，但….乜水泡穿後，會有水滲足兩日的嗎？

呢個事件教訓小朋友，正如暖手包既警告字句所寫：切勿貼著入睡，容易灼傷。