Hachiko: A Dog's Tale

對"秋田犬八千"真係又想睇又怕睇。因為佢既故事已經差不多家傳戶曉，但又想睇睇由20年代日本變身鬼佬版，再加個老版"舞男"Richard Gere會演繹成點。

結果一樣係比$35入去MCL將軍澳睇個10:10am早場。

整套戲無疑秋田犬先係主角，比較特別係有幾個鏡頭係用狗隻眼中黑白景象以第一身看世界。當然教授主人忽然死後，忠犬仍日復一日咁去車站等待睇到令人心傷，但如果唔係故事改編要盡量以當年史實相符，有好多位真係有得爭議：點解隔離左右被"八千"忠心感動既各人，唔可以比佢夜晚一個warm shelter，要佢數年來晚晚飢寒交迫咁訓火車底？

另外教授既日本朋友，就真係有點畫蛇添足。

反而下一次去東京，想去上野博物館一看真正八千公既標本。希望呢套電影唔好好像當年"小Q"咁，引發一輪養狗棄狗潮吧。