除夕三重奏

3pm早放，返屋企歇了個多小時就出發。

第一站：

前上司Liza位於何文田半山壹號的新居入伙，一腔熱誠地晨早book定會所ballroom邀請各方新知舊雨出席。原來半山壹號係位於我小時候美善同道舊居一街之隔，乜隔一條街就由土瓜灣變何文田？
大堂同內裡裝璜都好豪宅feel，電梯大堂硬間開扮一梯一伙承機將外面幾十呎當建築面積賣埋，但礙於消防條例住戶只能放一個細鞋櫃，非常取巧。









Ballroom其實係泳池旁的玻璃屋，面積唔算大但有晒梳化廚房焗爐。不過應邀的50人裡面，有49人我都係唔識，加上主人家整晚都係忙進忙出，切生果張羅食物追加外賣，莫講話傾偈，連影張合照都有難度；所以待了個多小時，係咁意食少少就告辭趕往下一場。









第二站：

Connie，Jeffrey，阿Joe同Josephine響大圍晚飯，飛的去旺角火車站坐東鐵，好彩趕到去都未開飯。









火車站對出既楓林小館，老式酒家隔局，菜式賣相平實但味道新鮮，只係嫌個荔芋鴨唔夠熱。

椒鹽中蝦，荔芋鴨，紅燒乳鴿，蝦子豆腐，蟹肉扒菜膽，生菜鯪魚球豆腐湯。
不過阿伯侍應要早睡，10pm已經落閘催埋單。

過隔離燉奶佬整多個"木糠軟心燉奶"($20)；味道同賣相普通。但店內裝修有點時尚，尤其是個湯匙吊燈，好特別。









第三站：

Jeffrey車我地返港島，見將近12am，就響上環公路旁撓埋一邊，側面觀看IFC的煙花。側面睇真係遜色好多，不過都叫做最慳水慳力參與呢個煙火倒數吧。