阿凡達

本來見到張poster都唔多開胃，無諗住睇呢套以特技掛帥既電影，但見個個睇罷口碑都係盛讚，改變主意聖誕日黎個早場。

早場MCL將軍澳9:30am都要$70，好貴，因為係3D電影；下午過後票價要$110，如果去IMAX戲院的話更要索價$160-$170。

2hrs40mins既電影，是否物有所值？係，呢套點都應該入場睇。故事如朋友Ebby所講，好似宮崎駿既卡通炒埋一碟，環保意識濃厚。打鬥場面預左，但Pandora星球上既動植物真係好鬼靚。













故事中人類係大壞蛋，最後連主角都要大義滅親幫外星土著打敗人類, 將入侵者逐出Pandora星球。

樓下只有數碼3D，雖然都有帶眼鏡睇，但效果同上次去IMAX睇"魔幻聖誕頌"相差甚遠。