揚帆新紀元-

肉香四射的年會晚宴

晚宴通常都會飲大兩杯玩得好癲；今年三舅父預備左500枝紅酒侍候，當然大家都隊得好high。

更High既係肉香四射的表演；如果唔係背後有Pfizer logo，真係以為自己去左夜總會。

未癲之前，三舅父先扮最佳銷售獎。

接住係請返黎既舞孃先黎個暖身。

各表演隊伍進場。

第一隊係好嘔既男扮女"新人"，bikini兔男郎都有，要幾嘔有幾嘔。

市場部，乜做marketing都要穿吊帶珠片跳舞？

北區，初頭都好傳統地穿晒清裝包到上頸，點知轉個頭就脫下長袍大跳辣舞。

最令人期待既西區，成都辦事處d女真係個個都肯露肯跳，最令人O咀既反而係兩個交叉SM褲男同事，重要部位釘上金色珠片，後來更將褲管脫下變三角褲，真係要PG家長指引呀。

高潮一浪接一浪，請番黎既舞孃再出場條肚皮舞。

最後係Ivan旗下既營運部，表演"MJ+李孝利"。中段一樣係脫掉上衣著貼身小背心大扭特扭。其中Jessica係自YY走左後，幫我地香港做數既上海finance同事，雖然隔岸做數但一點就明；今晚見識過佢既身材及舞姿，我同Sinmei都慨嘆內地女仔有才(學)又有(身)材，我地一眾港女真係要行埋一邊。

臨完場前，再黎洋妞bikini加鋼管舞表演。Keith飲大兩杯甚至上台大跳脫衣舞，幾個唔識死既高層衝上台扯佢件風衣，好彩佢仲有三分清醒力保無露點演出。