揚帆新紀元-到步篇

今年年會響就近既澳門威尼斯人舉行，雖然悶就悶左d，但唔駛舟車勞頓，都唔係無優點。

返左大半日工，左4pm的金光飛航到氹仔碼頭，已經有專人連大巴等候。

雖然今年安排比較倉卒，但大陸人強馬壯，整個會議都有模有樣。

到步先黎要去接待處報到，拿胸卡，pocket $同大會風衣。年會係揚帆出海為主題，隔離有一列帆船，印有唔同division主要經理既相片，當然唔少得我同余經理啦。












哇哇哇，每人既"大利事"pocket money有500人民幣；今年480人參加，淨係committe帶過去既現金都有24萬人仔咁多，如果我係做帶錢既，一定驚到腳軟。












至於風衣，我成功地叫大陸秘書幫我由橙紅色既女裝，換左件黑式既男裝。牌子都係哈爾濱派既L.L. Bean, 薄薄地都要RMB980，而且衫袖繡上新公司名稱"Pfizer Consumer Healthcare"。

又係同怕黑既Debbie同房；Double bed既套房，雖然無上次超豪Suite咁誇，但間房都唔係細。