神探福爾摩斯

最近喜歡到梁師奶樓下的MCL將軍澳睇早場。9點多的場，只係$35，放完狗剛剛好。

尋日又解決左套"神探福爾摩斯"；入場既主要原因：Jude Law。

如果話係鬥智鬥力片，應該有點失望。因為整套戲交待查案部份唔多，反而只係塑造出Sherlock Holmes係一個"哩啡"既人，往往要身邊一絲不苟既華生去幫佢收拾殘局。烏龍有餘，神勇欠奉。

橋段嘛，就有如蝙蝠俠與羅賓咁；好唔好睇見人見智。