「桃花小妹」宣傳@奧海城

商場攪既虎年新春開幕活動，請到「桃花小妹」幾位主角來港宣傳。

兩星期前先見過既大東同Calvin，今晚又見面(一個唔該見佢地仲多過見自己老細)。雖然商場話消費滿$608就可以換入場券一張，但呢個function既唔握手又唔簽名，入到去既200名分分鐘都要被前面舉牌既fans或舉機既記者大哥遮住；算吧啦，都係企響外圍望到幾多得幾多，志在佢地一場黎到香港盡點心意見個面。

Charlotte, 我同阿二放工後過去支持; 本來話唔黎既Josephine，見有伴都臨時改變主意過去join我地。

第一次踏足奧海城，要轉東涌線感覺都幾遠。6pm多到達，現場已經幾百個妹妹仔坐陣，好彩樓上霸到個側邊欄杆位兼有凳坐，雖然唔係對正台兼夾有點遠，唔駛罰企兩粒鐘已經萬幸，所以霸佔住外圍較高既地方.....等!!

8點多開始既show，之前既兩個港"星"王君馨、羅天宇跳個舞，加埋班小"虎"女上台跳jazz，等到飛輪海出場都差不多9pm。大東例牌表情多多。。都係同一條方情式：同fans玩兩個低能遊戲，擺個靚靚post被傳媒影個夠，到後台接受文字傳媒訪問。

雖則無甚驚喜，但如果明知佢黎香港自己又得閒，唔去見一面點都講唔過去。