初一陳家飯局

每年初一個schedule都比較密集。五叔去年中走左之後，堂大佬無來電約食飯，所以可以稍事休息補眠，下午先到樂富林家拜年。

旁晚再坐火車轉到大埔Gigi家拜年兼黐餐。

平時Gigi住得遠又要照顧細路，真係一年都見唔到幾次。過年過節入黎大埔變成指定動作。

老菲傭Connie的手藝經陳家多年的磨練，有番咁上下。雖然係家常菜，但好食既程度拍得住酒家。天寒地凍黎個臘味飯更是讓人感動，真係要有番咁上下定力先可以抗拒添飯既衝動。

飯後甜品：Gigi牌蘿蔔糕

發現飾物櫃內陳小姐Dodo整的迷你盤菜，用小型公雞碗盛載，可愛得黎好細緻。