探Zoei

放假，朝早去中環辦完事，先到沾仔記食個三寶麵($25)(大大粒雲吞，彈牙鯪魚球同鮮牛肉)打個底。

坐西鐵到兆康站會合阿丁，摸去和平新村150號既"動物領養中心"，探望早前捐款助養的10歲狗女Zoei。中心地方比想像中細好多，有3個職員全職照顧場內的貓狗。大狗會多點活動空間(係怕我地見到咁多大狗驚，先暫時入籠)，細狗則有冷氣房嘆，但大部份時間留響籠內)。

Zoei比想像中更老態，幸好尚算活潑；聽講呢兩日胃口麻麻，見個兜內仍有粒粒未食完，比阿皇帝烏一早同你掃清光。

另外有剛做完絕育手術，跛腳Poodle波仔，非常好奇出左籠就跳個不停。同埋守門口，剃左毛既鬆獅狗。

貓房住客比較少，因為多人領養。

擾攘左大半小時，call唔到的士既情況下，行出去搭幾個站輕鐵到元朗的"越棧"，食個扎肉撈檬($34)，配鹹檸薑(+$7)。

多得阿丁仗義相陪，否則我一個人唔會山長水遠入黎探狗。