198日式放題

下週末係Annie生日，襯奶奶未再飛日本前，集齊廖太幫佢慶生。

主角話事，去上環A1出口(真係一步就到)的浦和日本料理，食$198的日式放題。

地方唔大，坐得非常擠迫；而且長枱好難傾偈。包左既任點任飲，大家都捨啤酒氣水，寧願要無氣的柑桔柚子汁。

比較底食既係刺身，種類算多而且上得快，唔欺場。

齋食刺身又食得幾多呢？其他食品都係平價野，唔算難食，但三兩碟落黎到會飽晒：炸雞件，炸三文魚皮，炸蠔，清酒煮蜆，火龍果沙律，七味燒雞翼，汁燒帆立貝串，燒三文魚餃，燒秋刀魚/鲭魚/多春魚，牛肩肉粒等。

其實如果人多，呢度唔算底食；或者自己散點都未必要呢個價錢。雖然坐得唔舒服，樓面伙計多同服務算唔錯，忙到行來行去送菜收碟追單未停過都無黑面，值得一讚。