活海饅天婦羅

多得Ebby的電影贈券，同Charlotte到MCL銅鑼灣encore Eclipse。









搭件索殭屍前，自己都要先醫肚，約埋奶奶到飯堂"湖舟"食晏。

Charlotte第一次黎，當然要再一次推介個3色(蟹肉，海膽，三文魚子)飯，午市$200個set，晚市單點都要$250。壽司定食$150都係值得encore的指定動作。
另本日午市推介的活海饅，蝦天婦羅飯($180)，係令人驚喜之作。海饅唔係肥大的鰻魚，身型較瘦長，日文寫作"穴子"，價格貴過饅。雖然係炸物，但料好新鮮，而且個天婦羅塗上甜甜的醬汁，好有淺草"三定"的味道。一個人食會有點漏，share就非常perfect。