細舅父

長居西班牙開武館的細舅父，襯當地暑假學生少既期間，黎香港渡假一個月；住響梁師奶屋企。

烏烏今次就熱鬧了，當年多得呢個恩公，梁師奶先同意比阿烏24小時出籠得到自由，多年後再見面，烏烏好似認得恩人咁，非常嗲細舅父。

襯公眾假期，約埋梁大少同女友到樓下金滬庭晚飯。

無錫脆鱔，蝦子海參，XO醬炒年糕，菜肉雲吞，黑醋排骨，脆皮素鵝，紅燒黃魚等，都係西班牙難得一吃既地道上海菜；最後再加多道肥死既擂沙湯丸，食得最多既唔係細舅父，反而係平常甚少出街食飯既梁師奶。