下呂溫泉

日本三大名泉之一(另外兩泉就係有馬，和之前去過既草津)。

由飛騨坐個多小時巴士就到達下呂。今次住的水明館，位於JR火車站旁，規模頗大；連大浴場都有三個，除左可以分散人流之餘，各有特色。有的具備露天觀音池，有的位於最高的9/F，有點展望台的效果。
老板係奶奶日文老師的朋友，屬家族生意，有數十年歷史；走廊掛滿數年前日皇夫婦到訪下呂入住水明館的照片。

襯未入黑，到附近所謂的溫泉街逛逛。先要經過一條頗大風的橋，加上當日得幾度，真係好寒。橋上望落去，竟然見到有個露天風呂無遮無擋，而且竟然有人赤裸裸地浸緊!!雖然佢手握雨傘，但真係佩服佢好勇氣，唔但止係無懼途人眼光，更加無懼寒風刺骨。