70冥壽

從來唔係李小龍fans，更唔會知佢幾時生日；只係今朝落樓下睇早場"李小龍 (Bruce Lee, My Brother) "時，一開場見到佢個生日"呀，原來正好係今日喎"。

套戲學沙律話齋：無悶場。

劇本係依照佢家姐細佬的兒時回憶軼事，亦只講述李小龍由出生到18歲被父母送返美國繼續念中學為止，所以戲內既Bruce Lee唔係一個筋肉人，而係用佢弟弟眼中對二哥的回憶角度睇呢個人。
整套戲既情懷好似"歲月神偷"，而且不時穿插的山寨版曹達華，石堅，吳楚帆，梁醒波等都幾有趣，屬有誠意的作品。

剛巧70冥壽今晚，明珠台也播了兩小時的"Bruce Lee：the legend"，睇翻d舊相同片段，同套電影前後呼應。

李小龍的大佬李忠琛當年係老豆天文台的手下，有"天文台靚仔"的花名，雖然先後娶過林燕妮和張瑪利，但人甚低調，否則拿兩個Bruce Lee的親筆簽名，今時今日升價百倍噢。