當烏烏遇上牛牛

剛出trip回來，因為連續兩晚都有飯約，特地放下午去陪烏烏，彌補多日不見既內疚感。

天朗氣清既香港，同日日落長命雨既台北真係差得遠。當然要帶烏烏去佢久違既西貢。

入袋，出發了。

到達平時行開既海邊，赫然見到黑色龐然大物；初頭只見後半身，正奇怪怎會有那麼高大的黑狗？行多兩步見埋個頭，哇，竟然是一頭牛!!

香港見牛唔出奇，但咁近市區放狗熱點見到咁free自己食草既牛，就真係首次。黑牛身上好多蒼蠅，要不時用尾潑開，近望有點恐怖。

烏烏初頭有點八掛，但望多兩眼就闊佬懶理。

反而係隻牛比圍觀既人嚇親，行左去碼頭方向；那裡人更多，又有小巴站，唔知佢會否殺入海鮮酒家添。

睇完熱鬧，行左一陣，再次入袋打道回府。