阿里韓式豆腐料理

台北最後一天，朝早有個webcast，唔能夠同其他同事出去hea。

因為係夜機，整個下午都free，自己再到附近光復南路試新舖。

韓國菜本來唔係我fava，但被豆腐兩字吸引。內部裝修光鮮，侍應亦超友善，一直問我要否添小食，一個人那食得下咁多？小食竟然有整條煎魚，真係韓國都無見過。

綜合豆腐鍋(小辣)，海鮮配搭羊肉；跟紫米飯。加個小份牛小排。套餐價NT$440。

端出黎時個湯底熱到沸騰，立刻打隻生雞蛋落去。紫米飯則是用個石釜盛著出場。

牛小排數落都7-8件，香港淨係條煎魚或牛小排都可以當主菜，怎麼呢度都係變成豆腐鍋的配角？