夠期

雖然我唔係經常洗衫既人，但用左十多年既惠而普洗衣機，經歷了一次花左成千蚊上門檢查兼換門瑣，前晚洗衫時再黎個輕微漏水比我嘆。

就算奶奶話有可能係毛隔塞左，但花幾百叫師傅上門兼冒住更嚴重既漏水事故風險，我都決定係時候換部新機。

地方細細，只可以選歐洲機上揭式最窄那隻；結果扑鎚買了Electrolux的900轉，豐澤有信用卡推廣$4298。

買都唔介意，最煩係要等師傅送貨安裝；而且廚房地區窄，推部舊機出黎都會有點難度。希望新機可以用到下一個十年啦。