人字拖

飯後約左朋友去Fashion Island Starbucks, Carmen好耐都未到，一問之下原來個衰婆比人躋斷左對人字拖既帶，一行就會甩鞋。一個人企左係不遠既HSBC望住Starbucks惆悵中。我唯有死去附近惠康買對低能紛紅膠拖比佢定住。排餐死之後點知細得滯穿唔落.............(邊有女人隻腳咁大架!)

一路攙扶佢捱到Starbucks, 都成30分鐘之後既事。另一好友Annie要係sogo後面d鞋舖走左兩轉至買到對女裝拖比佢。

好一個中秋節，又唔係農曆年，成晚玩買鞋。

不過好彩最尾係7-eleven門口抬頭望到個月光，再加埋Starbucks既Coffee Mooncakes, 都算賞左月啦。