如果。愛

廣告公司比左d戲院贈券（因為我落Centrum廣告落呢部戲度），約左Daisy下午一齊去皇室睇。當然係去捧金城武場啦；唔同閩大人咩！


哈，上星期廣告公司Carlos同我賭金城武既年紀：

Carlos: 成37/38架啦，你都岩？
我：黐線，邊有咁大呀？！佢應該同木村差唔多。
Carlos: 但佢同吳奇隆同期出道喎。
我：一定無３５，夠唔夠膽賭一粒Spot (Cinema spot)呀？
Carlos: 吓！咁大？！不如賭一杯Cova咖啡算啦。
我：殺你！！（綽號逢賭必輸既我，心口仍然掛住個勇字）
〔Carlos一路講電話，立刻上網找〕
Carlos: ........你知唔知佢咩星座呀？天秤座。天秤座既人性格係.....
我：唔好叉咁遠，佢到底幾多歲？
Carlos: ........33.......

就係咁，竟然比我嬴番次！！事後Ebby話就算哥仔真係夠膽同我賭Spot，公司都唔可以抽一粒Centrum cinema spot出黎bill佢喎。哇哈哈，我好難得會嬴，一杯咖啡都好呀。

套戲？個景同ｄ歌好掂。當然仲有養眼既武哥。做得最好既係學友。不過有ｄ唔明.....點解周迅最後同兩個男主角分開？