沒完沒了

一方係我老豆，另一方係加拿大稅局!!!

由去年老頭子病到半死，都交帶落點樣搵會計師幫佢計算2004年度既加拿大薪俸稅開始，呢個遊戲玩到佢死左一年後仍然持續。

今日又收到信話去年10月粱師奶無provide "Foreign Tax Paid" supporting documents，所以重新計過後由本來有tax refund變到要多交2000多加幣(即萬多元港幣)稅。師奶份人一有少少野就唔能夠保持冷靜，只係識怨天尤人。為免佢擔心成晚，我磨到9點幾打電話去Revenue Canada問左幾句，話聽日fax D文件叫佢再re-evaluate the case就收工。

都唔知仲要攪幾耐至可以close老豆個file。都係香港稅局可愛d。

粱師奶心情唔好既另一個原因係佢患左重感冒。呢排身邊好多人都中招：Annie, Hudson, Michael.......人病都事少，千祈咪惹比烏烏呀!!!!