阿Paul上身？！

呢幾日公司同事追既電視劇，係無記既"女人唔易做"。唔係想睇裡面d男女感情瓜葛，而係鄧萃雯簡直係阿Paul上身咁!! 佢既講說話對白同語氣都屬口屬面。

最似既一句係：唔駛同我講個過程，我只要個結果！(阿Paul真係講過一模一樣既野架！)

另外，有一幕d同事竊竊私語話鄧做野去得太盡，佢好絕核地回左句：我返工做野係去到盡架，乜你唔係既咩?

我地真係懷疑，老細有兼職做無記編劇！

Martha話套劇係P&G贊助，唔怪之得ｄ情節咁逼真啦：被鍊上架費，chainstore玩價，藥房佬對水貨既睇法，正貨保證貼紙，同我地做廠既點defense against 水貨.....

咁點解現實office中，又無一ｄ好似林峰咁既角色比我地呢ｄ"熟女"使喚吓？