側田Two Good Shows

講電話成7:30pm至走。飛忘命小巴15mins去到紅館；匆匆買個包就入場。

兜兜轉轉，結果都係坐返當初買既山頂位。不過好在對正台，而且佢同４仔唔同，唔需要睇樣，齋聽歌。所以遠ｄ都無問題。









講真，新人黎講真係算係咁啦。佢唱live幾得架。除了自己歌之外，其他人如Janice既不可一世，劉浩龍既二等天使，學友既妳的名字我的姓氏同月半彎都有唱。 唱月半彎時，佢叫ｄ觀眾開著ｄ手機，做到好似滿天繁星既效果，都幾好feel架。

要讚既係，個三面台ｄ效果同燈光好得。幾多煙花，睇得出落本。彈既係，個base太大聲，連個地都震架。而且中場佢鳴謝得太耐，有ｄ悶場。

嘉賓有：Theresa，周汶琪，千Fa，同林狗。哇哇哇，周小姐一脫件浴袍，對PAAG誇到似細個睇神奇女俠個胸咁；駛唔駛托得咁勁呀？！

個show 11pm就完，無F4唱咁耐。但以聽歌黎講，真係算係咁啦。