拜山-熱到就黎溶

兩個堂妹都返左溫哥華。今年清明得我同梁師奶兩條友去拜山。一樣係鑽石山-黃大先法藏寺-長沙灣天主教墳場呢條route。

叫佢早d去佢又呀吱呀左，如果佢肯早一個鐘i.e. 8am到達第一站鑽石山，無咁人多車多，起碼可以快一個多鐘拜完。

最弊既唔係咁，而係師奶勁怕d燒香燭味(我就反而最鍾意索d燒金銀衣紙味，可惜自己係天主教徒，哇哈哈)：話說去到鑽石山拜太嫲阿梁門余氏既時候，本帶埋紅色permanent marker想油番ｄ字，點知梁師奶嫌我逐筆逐筆油得慢，為左怕要聞太耐香燭味，自己搶過枝marker好求奇咁油到出晒界。我真係忍唔住喝佢：你到底有無少少尊重架？咁怕下年咪鬼黎喇！！

心諗句：如果係自己父母既墳，會唔會咁那西？！

結果，餘下既行程，我都行得勁快同唔鬼啋佢。

雖然今日唔係雨紛紛，但因為濕度好高，成個人熱到就黎溶。

拜完衝去做左兩parts Body Massage，沖埋涼，至有返ｄ活過黎既感覺。