樓下巧遇Liza

公司電梯大堂撞到舊老細Liza(即我剛入去Wyeth做Product Manager時，當時既直屬上司Marketing Manager)。佢剛去樓下５樓萬寧Office後，順道上黎探我地。

Liza做左一年多就離開左，輾轉間開左間"自然良坊"；由初頭旺角地鐵站地舖到而家有幾個產品list左入萬寧，都叫守到有ｄ成績。

當初見佢由打工仔自己毅然囉筆錢黎開地舖，賣ｄ香薰花茶，我同余經理都唔睇好架。始終旺角銀行中心出口ｄ舖頭，真係旺丁唔旺財。你我經過都急急腳啦，邊會停低shopping架？不過後來source埋ｄ中藥（如冬蟲夏草），DHA.....再擴充去唔同既超市如吉之島，UNY擺counter；後來連萬寧都上埋架，先至叫做上左軌道。

可能始終自己生意，點都落手落腳緊張ｄ。我以前識佢既時候，佢無咁長氣架。呢幾年我習慣左阿Paul既精簡溝通方式，真係好唔慣點解一個point要重覆又重覆咁講？