Seul Anniversaire

生日。

日本廣島原爆紀念日。當然唔係同一年啦，雖然我都係45年出世，不過係昭和45年，唔係1945。

今日反而無約到人，或者應該係約唔到人。

朝早百無聊賴，出銅鑼灣Salon Esprit去幫把頭髮焗一焗油；反正生日月內有半價。

之後度左去Agnes b la maison sur l'eau買左生日禮物比同係8月獅子座既Gigi & Ebby。有時我都幾享受揀禮物比朋友，自己可以用到既野有限，反而買比人可以揀d自己鍾意，但又唔等駛既野黎滿足一吓購物慾。

再來亦係Agnes b，不過係利園2期既Agnes b voyage買左套黑色cardigan & pants比自己。反正我成個衣櫃都係黑既世界，係唔係著新衫都唔會有人覺。

條街開始多人，都係打道回府。

應唔應該買埋個蛋糕比自己呢？