唔駛咁緊張呀？

余經理下星期出trip去芝加哥training。其實有公司出埋business class機票(頂，成5皮野架！)佢去咁遠，應該高興先至係。好衰唔衰，佢勁怕坐飛機；來回廿幾小時都好難享受5皮野換黎既舒適，因為佢一定成程坐立不安。

佢要做一個10分鐘，關於我地響屈臣士既presentation。本來咁短既presentation，對我黎講簡直"a piece of cake"，但對英文毫無信心既余經理黎講，就如臨大敵一樣。

佢成大半個下晝閉關於會議室，自己練習之餘，再叫我去模擬聽佢一次，執吓佢ｄ英文。

估唔到，佢淨係對住我都緊張到全程搓手；每兩三分鐘就用手去抹咀咁嚴重。大佬，我唔係真係咁恐怖啫？！

佢之後仲話，其實最想我陪住佢一齊去！(因為乜野英文野都係我幫佢擋晒)

我聞後狂笑：Kenny，估唔到你暗戀左我11年，哇哈哈！！

不過，真係好佩服佢咁努力去克服自己根底唔係咁好既問題。我從來都無咁認真去對待一個presentation。