柏莎 + Afterschool

約左Carlos同另一間廣告公司Grey Healthcare既朋友仔Ellena食飯。

好耐都無去過新疆餐廳柏莎。不過因為坐出面，所以勁侷。套餐無乜羊既菜式，反而同Carlos隊左枝酒精達46%既新疆酒「伊力老窟」比較特別少少。

Elenna都係屬於爽既一類。席間叫Carlos玩左幾次簡單既塔羅；其實謝居士只係記得ｄ唔記得ｄ，不過女仔有時明知個答案，都會想借助呢ｄ神怪途徑去鼓勵自己。

飯後轉地方去一間叫After School既地方飲野。呢間樓上舖過引在佈置得好似小學教室。木枱木櫈仔，加上一本扮作業簿既menu，完全似成年人犯規地喺小學度隊酒咁。

Ellena其實唔太飲酒，得我同卡盧士隊左兩枝白酒。結果傾計傾到最後一枱至閃。

好耐無一晚內飲咁多，不過銅鑼灣唔係太遠都無乜所謂啦。