灣仔過黎既舊飯腳

前惠氏HR Ophelia係我地以前既定期午飯飯腳之一。但早幾個月轉左工去灣仔海旁之後，無諗過佢都仲可以走過黎搵我地食晏。好彩佢地食flexible hour既lunch，即12-2pm可以隨便take一小時食飯；偶然偷少少時間飛"7"字頭行東廊既巴士，都只係15分鐘就黎到太古城。

放上晝既我，見佢一場過到黎，都早少少返工同埋YY去「哈魯邦」隊左個石頭飯。

通常一個石頭飯，對我黎講係叫做多。但天氣轉涼之餘，加上好耐無食(藉口)，等我放肆一次啦。最鍾意食係煲底既飯焦，有ｄ煲仔飯既感覺。

想食煲仔飯........