牛奶公司120週年Dinner

點解Dairy Farm會關我事？因為佢旗下有：萬寧，7仔，IKEA；而呢個好明顯係一個我地同萬寧既俾面派對。本應係一個sales function，但Michael撞正要去飲，錢又比左成$1600位，變左我想唔同余經理去而同卡生去TVB function(撞到應一應)都唔得。


7:30pm抵達會展Grand Hall，佢地真係好準時就入場就座。90多席，同上次屈記既「健與美大獎」規模差不多。我地坐中間位置既第40號枱，惠氏奶粉部有另外兩位同事Bibiana & Ella一齊。

司議係李浩林，英文國語都好掂既佢，果然好吃得開。

Menu係食好似壽宴般既中菜。其實ｄ人都係行開行埋同行家social。見阿Gigi(萬寧中藥Assistant Category Manager，我多年老友)成晚滿場飛，呢頭同「2036」嗲完又轉過去搵「官燕盞」，跟住帶個萬寧CEO周圍介紹，嘢都無時間坐低食，真係替佢辛苦。我同余經理已經唔係周圍走，但仍不時起身介紹我比人識，同寒暄幾句。以前屈記超惡頂既buyer Derek家陣去左「2036」做顧問，一見到余經理，好鬼假地直頭好似多年老友重逢一樣。

全晚比較特別既係有一個歷年來萬寧，惠康同IKEA既制服fashion show；同埋每人送枝貼上"Dairy Farm 120th Anniversary"label既紅酒。

10:40pm散席行出去時，剛巧見到Michael同今日剛滿兩歲既仔仔。原來佢既飲宴都係響會展，唔怪之得話可以過黎探我地啦。

http://glorialeong.spaces.live.com/