死亡筆記2 - 最後的名字

期待已久，果然無令我失望!!

"流克"一貫既有型有款，再加多個死神"雷姆"，8呎高既身型加蝙蝠般既翼.......真係睇到我有d流口水添，哈哈。

導演將漫畫既頭半篇稍作修改，刪減一d無關痛癢既人物(例如四葉集團，N，米洛，魅上照等，都唔見晒)，令個故事枝節少左，節奏快d。

本以為L會同漫畫一樣，被雷姆犧牲自己黎整死佢；點知阿導演黎個twist，變左L自我犧牲黎拋磚引玉。

最後既偷天換日用假筆記引夜神月中圈套，流克寫下佢為最後的名字，都用番漫畫既結局。改得黎比返原著既神絮。

雖然片比較長(成2個半鐘)，但對我呢個死忠粉絲黎講，唔覺辛苦。難為卡生坐到腰骨都直，阿路姐無睇第一集都陪我地癲.......