一日兩劑YY Lui

上午放假但喺屋企無事忙，12點唔夠就要出門趕返太古坊約左YY & 余經理去Grappas食晏。呢一餐源自屈記discount單野想請教阿Y，雖然後來自己解決左，但飯局既然約好，決不食言。其實Grappas既西餐又貴又好麻麻，甚至可以用"難食"黎形容。

放工仍然係阿Y，今次係出老銅時代廣場The SUN，約左好耐無見既前HR Ophelia敘一敘。

Ophelia自從睇左我燒比佢既日劇ANEGO之後，就瘋狂冧赤西人。近日赤西人被"逐"出KAT-TUN出外讀書，對佢黎講，仲慘過失戀。我執晒手頭有既KAT-TUN CD，雜誌.....一大袋交比佢；以慰佢"相思之苦"。

YY因為膽固醇高正在戒口中，所以我地都唔敢叫太多蝦蟹；費事佢唔食得又要引佢。

三文魚刺身，海鰻江戶卷，酸醋豬額肉沙律，櫻花蝦野菜餅，雞五目釜飯，北海道風羊肉鐵版燒.......我再自隊左枝細既暖清酒 。