叉"撚"住

數月前卡生分別問我同Martha：Challenge既中文係乜野？

"化"妹好純情地答：挑戰囉。

而我就話：係一句粗口。

Martha唔信大部份仔都識呢個另類答案，結果我地就打賭，諗住搵我地中港台最高領導人阿Paul黎一個測試。

事隔數月後既今日，難得佢老人家心情幾好，兼同我地落樓下彩雲軒飲茶；飯桌上我就不經意地問左呢個問題。

佢停頓左兩秒(有古惑!!)，先至答：係挑戰。

我唔服氣問佢：你真係無聽過有人譯做無論音譯意譯都極傳神既"叉X住"？

佢似乎等左呢個機會窒我好耐：哈，你咪以為我同你"一般見識"先得架，我唔講粗口既!!
(係？但你個樣似爛口過我喎，老細!)

余經理立刻隔離火上加油：咪係，我都話叫佢女仔斯文d架啦；成日"仆街"呀咁，好似差館一樣!!

Martha再落井下石：我都對住個肚講，千祈咪學呀!!(我諗佢個B再大d，就黎要搵綿花塞住個肚臍先至唔會比我d粗俗野"胎教"到)

又輸一杯咖啡。