TOTT + 巴西燒烤

估唔到阿二同Daisy比我更先睇死亡筆記2。因為係我幫佢地網上訂飛，所以放工陪佢地去UA太古城囉飛，再陪埋去food court坐住等卡生放工。

出老銅Excelsior頂樓既Talk of The Town happy hour。卡生好嗟異我從來都無上過黎，但其實我份人係有朋友陪，去邊度食乜野都好無所謂。位置高，有海景；仲睇左少少對岸既"幻彩詠香江"添。

坐到9點幾，先臨時決定行過維記泳池旁食"巴西燒烤"。以前成日黎食晏，反而變左巴西燒烤後就一次都未試過。

呢幾日天氣涼左ｄ，坐出露台反而仲舒服。阿二同Daisy散場電話到，索性join埋黎我地食飯人多熱鬧ｄ。

9:30pm後$68任食+$38紅酒任飲。食物好掂又唔講得，但選擇比想像中多(室內有salad bar，熟食同甜品)。食物都係其次，紅酒先至係主菜；我地4條友都應該清左佢兩三枝酒架啦。阿二同卡生都係健談之人，結果又係1am熄晒燈，落閘放狗我地先走。

有阿二陪，索性行返屋企；反正5分鐘路程。