Carton生日BBQ









即將4歲既Carton，Gigi請埋班小朋友一齊去佢屋企切生日蛋糕兼燒野食。

5點多Albert過黎城市花園兜埋我入去，唔駛半個鐘就去到大埔元嶺村。我都差不多大半年無入黎。有成3-4家人已經到左，好彩前門花園夠大，泊成10架車都仲有空間比d細路踏單車。

陳家既燒烤爐，簡直勁pro；全不鏽鋼，下面仲有個抽屜放番薯粟米。我每次見到呢個爐都好讚嘆。當然呢度燒野食係最舒服啦，設備齊全，多年經驗既老菲庸Connie醃既雞翼，羊架，串燒......街外既燒烤場無得比。而且仲有生果沙律，西瓜；如果有埋足料既"陳記雞粥"就更一絕。

懶洋洋既3隻大狗Momo，Jack & Tiger，各有自己既"豪宅"；如果帶烏烏黎玩，一定比佢地3個大塊頭恰死。

生日大蛋糕係好巨型既足球小將+白朱古力龍門。帶左Harry Potter眼鏡既Carton，老積左好多。同佢老豆阿Dave越來越餅印feel。

10pm就跟埋Gigi妹阿菁坐忘命紅van出老銅；30分鐘出到去，都仲可以去Starbucks隊杯細啡上上電先返歸。

More pics at SPACE: http://glorialeong.spaces.live.com/