Encore滿江紅
上次同卡生Amy黎過之後，阿二睇到相都話要食"水煮魚"，結果決定同班廖太們encore。

阿二帶埋好耐無見既表妹Ronah，我又的埋阿卡生一齊join；學奶奶話齋，人多好食作，可以叫多d餸。
可能知我地會噪到拆天，所以比間殮房咁凍既房比我地。卡生同阿二兩位勁多口水既煙民，當然要坐埋一齊啦。

水煮魚係今晚既「重點」，當然唔少得。另外既有：夫妻肺片，蒜泥白肉，滷水雙拼，乾扁四季豆，上湯皇帝菜，三鮮鍋巴，上湯野菌......當然黎多兩斤"加飯酒"添啦。

奶奶剛去完大阪返黎，哈，有巨型「京都限定版抹茶紅豆Pocky」。外面既紅豆朱古力包住抹茶味既餅乾條!! 阿二既手信更型，係Kitty x Anna Sui既面油紙。雖然我唔好Kitty，但都覺得幾特別。日本Kitty既產品真係無孔不入，好彩我唔好呢味野，年中慳番好多。

大家"圍毆"我既，都係圍繞住我講嘢無尾音，行得快，同軍訓式旅行......呢個係我平時會不自覺做出黎既行為，真係頂唔住既，出聲話多兩句我會就吓既。不過身邊識得我耐既朋友都應該習以為常啦。