舞出真我

約左卡生去UA朗豪坊睇呢套類似N年前Flash Dance既戲。

反正都要過海，早兩粒鐘去深水埗行左一陣街。呢一區足足成10年無黎過，毫無方向感既我，只係跟住卡生呢個地膽周圍逛。勁多DIY飾物店舖，有各式各樣既parts考你創意。我就好似大鄉里出城咁，乜都摸一番。

8pm趕過旺角去我第一次踏足既朗豪坊睇戲。呢度後座升得頗高，有ｄPalace apm feel，幾舒服喎。

套戲只可以用ｏｋ黎形容。Storyline好多反駁位，唔多make sense。不過大部份人都係為左睇跳舞既話，咁都唔係太差。

9點多出黎，係咁意都叫做行一行呢個外界評語超唔好行既商場。長長既電梯無疑增加空間感，但整棟野太窄，零星散落一些名不經傳既舖頭，個場好難旺得起。真係聞名不如見面。