攪笑錄音

因為年尾表演雪姑要用國語對白，無乜可能要班同事玩Live，所以book咗6pm Studio事先錄好d對白，加埋音響效果，到時咪咀算數。

間Studio叫Music Corner，位於佐敦地鐵出口附近。面積比想像中細好多。

房門有雙重隔音，裡面其實只容納到一個咪，幾張凳同一個大鼓。









我地５個小矮人先入去錄左一段開場，之後輪到扮公主既Michael同巫婆Johnny。嘩佢兩條友錄出黎既效果，簡直似泰國人妖版雪姑！我地喺出面聽都笑到彎晒腰，到時阿Paul三舅父佢地實比我地ｄ半鹹淡國語嚇到噴酒都似。

因為唔需要個個字都讀到字正腔圓，少少歪先至更爆笑(好似喬寶寶講廣東話咁)，所以唔駛好多take就可以收貨。

初初以為會攪好耐，等我地仲喺office隊咗兩串魚蛋+豬仔包至出門；點知唔夠一粒鐘就攪掂。

過幾日仲要黎多次聽mixing。