自家部門做冬









雖然大圍做冬嗰餐聽日下午至食，自己consumer healthcare提早一日響老飯堂太古城「西苑」攪。

剛巧身在香港既Ivan(上海office既財爺，都有睇住我地盤數)，特地為左同我地食呢餐飯，放假都老遠由深井屋企出黎。

為左想成team人齊齊整整做冬，希望下年條數好ｄ(余經理既個人迷信願望，哈哈)，響屋企home office緊既Martha都粗身大細返左半晝工。

每逢過年過節，「西苑」都好似唔憂做咁。ｄ枱開到密密麻麻，上菜又慢。

我地叫左個$1888套餐9個人食，埋單都$2300。



唔好以為咁既價錢食晏都應該有ｄ平翅碎掛，錯！係番茄薯仔煲豬蹍(中式羅宋湯？！)呢ｄ日子雖然預左會貴ｄ，但都唔好咁欺場呀。

尋日收到廣告公司Maxus送黎既hamper，帶埋裡面枝紅酒去開黎飲。上年裕利dinner都剩左成箱紅酒喺公司，唔可以越擺越多，公司變酒庫(其實係比個藉口自己下午開酒飲就真^^)。