統一玫瑰茶

每逢去台灣必日日飲既「統一美研社玫瑰茶」。

以前香港Circle K都有，不過mark up得勁貴，成$9枝(台灣都係賣NT20，即$4)。兩年前無再入呢隻貨後，間唔中想豪少少都唔得。結果情況同去日本勁隊「氷結」一樣，都係因為香港無得飲。

Annie打電話黎報料話維園工展會統一counter有玫瑰茶賣，仲係$8兩枝添！佢好抵得諗地尋日食飯前自己入去行，幫我買左4枝茶；仲有本事揖佢送多兩包我都鍾意飲既統一木瓜牛奶。犀利！

估唔到Annie人仔細細，可以抬到12枝茶，再加7-8樣其他item，除左佩服佢既力氣之外，都真係要為得朋友之肯咁辛苦抬餐懵。