一生

12月份既廖太生日聚會，揀去Annie極力推介既「一生」。

http://www.wellmartholdings.com/chi%20version/issei.html

位於銅鑼灣明珠城1/F，之前「魚一丁」個位；係屬於任剔任點既自助餐形式。唔單只有刺身，其實佢其他ｄ小食仲吸引。成張佈滿百多個items既紙任點，其中不乏韓風如"辣泡菜餃子豆腐鍋"，或者係特色ｄ既超巨"原隻蕃茄沙律"同"南瓜天婦羅".......每次黎既份量少少，但製作唔欺場。最頂引係間唔中黎個勁大聲廣播，話今晚有乜飲品食物特惠，非常大賣場feel。舖面侍應算多，點既小食都唔駛等好耐。

今次人多勢眾，除左一向慣常出開黎既廖太們之外，仲有由多倫多黎渡假既Shirley(即Charlotte家姐，亦係我藥劑師妹)&佢地媽咪。12條女要分兩張枱前後坐；唔影響成班女人吱吱喳喳，真係怕嚇親阿伯母。

個胃仍然未完全恢復，戰鬥力減半；自己都唔敢食得咁盡。到咁上下自己先收手齋talk。

今年收到既首份聖誕禮物，多謝奶奶！

更多相片於：
http://glorialeong.spaces.live.com/