「小白鷺」婚宴

朝早要即興就地取材玩新郎，斟茶，陪埋去藍田男家斟茶，拎隻乳豬返去回門.......Dave今日兼做司機同video man，用佢其中一架車做花車，終於都叫做有個熟人陪我去埋男家，無咁悶。

5pm去都婚禮會場「小白鷺」。之前Martha提議過黎BBQ，但一直唔成事。聞名不如見面。

場地有ｄ舊，有日光相信會特別ｄ。我地響新娘房hea左好耐，連做Miss既Yvonne都忍唔住拎疊英文卷出黎改！

婚禮6:30pm喺對出一間小玻璃屋舉行。因為賓客太多，好多人都入唔到去企出外面"裝"。因為已經入黑，氣氛無黃昏日落時咁好。

Banquet係自助餐形式。因為只有table floor plan而無釘個sitting plan出黎，親戚們個個都問坐邊，初初大家都好口啞。擾攘左好耐至坐低晒，大家都要呆坐多成粒鐘至開餐。









食物？唔駛黎啦，非常一般；有d似3尾4頭星級酒店既buffet。大家最多係努力兩三碟就會自然收工。

攪左一day，電磁就快用完。好彩有安排每15分鐘既coach，10pm送我地出大埔墟火車站。火車轉隧巴，都成粒鐘至返到屋企。