渣華道街市「明記」

路姐突然心血來潮，約我同卡生去渣華道街市黎個地痞ｄ既飯局。
本來想去出名ｄ既東寶，但佢實在太墟堪，仲寸到要我地去都唔知邊鬼度既接待處登記囉籌。睇個勢等一粒鐘閒閒地既情況下，我地過隔離「明記」坐低。

本想諗住食小菜，結果只係叫左碟加辣既炒蜆同蒜蓉白菜仔，就因為個醉雞鍋湯底幾得而變左做打邊爐。其實呢間野ｄ火鍋料算幾新鮮，尤其是中蝦，放落去烚既一刻，仲明顯感受到佢掙扎；真係有ｄ殘忍。

卡生喺和富百佳買左枝紅酒上黎開；我都未試過用茶杯斟紅酒，望落去好似威路士咁。清左枝red之後，見個粉藍色扒樣啤妹，賣既竟然係一隻聞所未聞，叫「風花雪月」既雲南啤，我地隊左兩枝之後，都係改番飲喜力。

路姐同卡生成日話我做人處事"非一般"，其實我只係一個用理性角度自我催眠既人。對一件事既投入程度，唔會夠佢地ｄ放縱感性態度既人咁享受箇中高低。

11:30pm走既時候佢地兩位conclude，今晚一席話非常inspiring，但我都唔知每人生活態度唔同，吹完水又係維持原有模式，到底inspire左ｄ乜？

睇相請移玉步：http://glorialeong.spaces.live.com/