另類聖誕節目

早幾日梁師奶已經問我：你25號有無約人？
(心諗，你24號都飛甩我去報佳音，唔通又叫我咁大個女自己搵節目？)

我：未知呀，家陣至月頭，邊有咁早約？

師奶：不如幫教堂手，我地下午有賣物會須要人手。

我：...........

今朝再打電話黎follow up。

師奶：你幫完賣物會要負責湊阿仔仔(即烏烏)落街疴屎喎。

我(不耐煩地)：得啦！

師奶(得吋進呎)：其實，如果你真係無約人，夜晚同埋我地去帶d弱智小朋友睇燈飾仲有意義啦。帶佢地出街要好多人手，因為有d活躍到跳吓跳吓，好容易走失。

我(目定口呆)：呢ｄ似精神病多過弱智喎！

大穫，我連對心智正常既人都無乜耐性，真係怕會忍唔住喝佢地。

第一時間拖埋同樣聖誕百無聊賴既Annie落水，多個朋友坐鎮可能我無咁燥。