2000人最美的謊言

晚飯時睇「星期日檔案」，講述內地一眾有心人，為圓一個腦癌垂危既小朋友心願既故事。我好少睇戲會覺得感動，睇完之後令到我想睇埋將呢個真人真事搬上螢幕既電影「欣月童話」。

《2000人最美的謊言 給她編最真的童話》

2005年10月23日，小欣月被診斷為惡性腦瘤，時日不多。孩子最大的願望就是去北京看升旗，於是父親編出善意的謊言，在長春上演“北京天安門”升旗儀式，上千好心市民參演為她圓夢。




每個人都係用純粹既心，義務去完成呢個謊言。當中有人扮北京巴士既乘客，導遊，步操隊，圍觀既路人甲乙丙.........香港人一定唔會為一d毫無利益既野，做到呢個地步。最感動我既，係呢個已經雙目失明既8歲小朋友，以為自己置身於天安門，聽到升旗奏既國歌時，佢舉起瘦小既手作敬禮狀。當其時身邊為佢"演出"既大人都流晒眼淚。

無記呢ｄ「星期ｘ檔案」真係幾有水準。早年梁生響加拿大睇到一集「星期二檔案」，描述廣西山區小朋友每日攀山涉水行老遠，為左去破舊既課室讀書。於是越洋叫我幫佢助學；攪到我要拜託TVB既sales搵製作部至查到"重返校園計劃"呢個機構。時至今日，都仍然咩住8件喺身......