緣份精華遊

去新開既AMC Pacific Place試一試個場，睇2:30pm。坐位同IFC Palace大同小異，當然都係舒服既皮凳。值得一讚既係女廁，新就不在話下；每隔頗闊落之餘，仲有埋sink盤同全身鏡響裡面。

講真，睇見Cameron Diaz同肥溫，印證左鬼婆唔襟老呢個事實，眼肚既皺紋多到嚇死你。反觀年過四張既黑木瞳，佢同金城武演姐弟戀都唔會覺得牽強。









基本上令我入場既原因，當然係雖有M字額，但仍好鬼索既Jude Law。

呢套擺明係應該聖誕檔期上既應節愛情片，唔知點解過晒新年先上畫。

好耐無見過既英國石屋，頗懷念。而且你話我偏見都好，我覺得英國口音比美國音好聽多多聲(雖然我兩種都識講)。