靜街中既小店：六角

有時誤打誤撞去搵食都唔錯，會有新發現。

約左Connie & Annie睇戲前食個晏，本來想去既印尼餐廳執鬼左，3條女行上皇后大道東，東美中心隔離既聖彿蘭士街搵食。

轉角一條靜靜既小巷，就發現呢間日本野「六角」。

地方細細，雖然唔係日本人坐鎮壽司吧，但都裝修得幾骨指。通常要試一間日本餐廳好與壞，最容易就係order壽司定食。

$140，價錢唔算平，但論握既技術，同用料既新鮮度都值呢個價錢。侍應有指點客人由淡口既鯛魚由左至右，食到濃味既海膽；呢樣值得加分。

不過位置咁僻，真係會有幾多人摸黎呢？