假日過關

本來阿Paul臨出發前一日叫我地幫佢買埋落香港既中旅巴士飛，結果今朝佢又臨時決定跟惠氏既大巴唔跟我地。老細，你劑劑玩即興，點跟到你步伐呀!

大陸d同事可以揀黎香港或去澳門。Daisy, Michael & Johnny就跟左過澳門玩3日兩夜。成200人落黎香港，諗住淨係等佢地過關都有排啦；以為自己走會快d，點知.......









一去到皇崗見到打晒蛇餅既人潮已經嚇一跳。我拿passport既本來要跟住大陸d拿通行證既一齊排，好在細Dee拉我行"回鄉證"條隊，再響前面縮返入去，否則排一粒鐘閒閒地呀。落馬洲入境有e通道就好快，但你快都無用，過到去都係呆等.......等架中旅巴士埋站。一等差不多成大半個鐘。

結果連班大陸同事上晒車開走埋我地先見到自己架車。去到旺角想過灣仔都要迫我地再轉第三架車。由9點3上車到返到灣仔，結果都攪左成3粒鐘；真係仲攰過搭飛機。

班大陸同事會住晒Hong Kong Regal，呢兩日無乜事都唔好出銅鑼灣喇。