印式情人大餐

唔想比人掠到一頸血，當然今晚唔會食西餐。









約左Annie，卡生同佢老友Amy再踏重慶大廈既「咖哩皇」食印度野。真係唔好睇小重慶，估唔到咁多人；如果唔係早兩日Call黎訂左枱，真係有排等。

今次唔叫套餐，寧願叫a la carte可以試多ｄ野。蔬菜咖哩角，炸蝦沙律，菠菜羊肉，Masala雞，Naan Bread......開左枝2004既Merlot。最攪鬼係臨尾整個"印度雪糕"；內有花紅粉同開心果，味道唔難食不過有ｄ怪。









雖然今次比較噪同埋有ｄ迫，唔夠第一次黎坐得咁舒服，不過食物水準保持，每人都係百多元落樓，邊度搵？

今朝聽到謝茜嘉quote谷德超講過既"名言"：有情人既人，只係情人節唔駛煩，其他ｄ日子煩到嘔；無情人既人，先至有無限可能性。哈，有ｄ阿Q，不過未嘗唔係事實。